KUELEKEA SIKUKUU KUBWA PATA HISTORIA YA MAISHA YA JIM TRAVIS REEVES MTUNZI WA NYIMBO ZA CHRISTMASS ZISIZOCHUJA KILA MWAKA

Hii ni historia ya maisha ya Jammy Reeves             Maisha yake ya awali na elimu J AMES Travis Reeves alizaliwa Agosti 20, 1923 huko Galloway, Texas nchini Marekani, kijiji kidogo karibu na Carthage, pia alijulikana kwa jina la ushabiki la Gentleman Jim. Alishinda skolaship ya mchezo wa riadha; ya kwenda kusoma chuo kikuu cha Texas, alidahiliwa kusoma kozi ya hotuba na maigizo, lakini aliacha masomo ndani ya muda wa majuma sita tu na kwenda kufanyakazi kama kuli huko Houston. Muda siyo mrefu alirejea mchezo wake wa nyenje/kriketi, akicheza ligi daraja la pili kabla ya kuingia mkataba na timu ya shamba la St. Louis Cardinals mnamo mwaka 1944 kama mchezaji mahiri mwenye kutumia zaidi mkono wa kulia. Alichezea ligi za chini kwa miaka mitatu kabla ya kuumia kwa diski ya uti wake wa mgongo [sciatic nerve] kujiachia akiwa uwanjani na kuhitimisha kabisa taaluma yake ya riadha. Uchanga wa kazi ya muziki Reeves alianza kufanyakazi kama mtangazaji wa redio, na aliimba nyimbo laivu redioni. Yapata miisho ya miaka ya 1940s, alipewa mikataba na makampuni madogo ya kurekodi miziki ya Texas, lakini pasina mafanikio. Akiwa amevutiwa sana na wasanii wa muziki wa Magharibi kama akina Jimmie Rodgers na Moon Mullican, pamoja na waimbaji maarufu kama akina Bing Crosby, Eddy Arnold na Frank Sinatra, haikupita muda akajiunga na bendi ya Mullican, na kufyatua nyimbo za awali zenye staili ya Mullican kama "Each Beat of my Heart" na "My Heart's Like a Welcome Mat" kuanzia miisho ya miaka ya 1940s hata mapema miaka ya 1950s. Hatimaye akaja kufanyakazi kama mtangazaji wa KWKH-AM katika Shreveport, Louisiana, ambapo palijulikana kama kituo cha vipindi maarufu vya redio Louisiana Hayride. Mafanikio ya awali katika miaka ya 1950s Miziki ya kwanza ya Reeves iliyotikisa nchi  inajumuisha "I Love You" (a duet with Ginny Wright), "Mexican Joe", na "Bimbo" ambao ulishika nambari moja katika mwaka wa 1954 katika orodha ya Marekani ya miziki bora. Mapema mwaka 1955, alipata mkataba wa miaka 10 wa kurekodi miziki katika RCA Victor na Steve Sholes, ambaye alitoa baadhi ya kazi za kwanza za. Pia mwaka 1955, alijiunga na The Grand Ole Opry na akajitokeza kwa mara ya kwanza kwenye jubilee ya ABC-TV, ambapo alikuwa mwenyeji kuanzia Mei–Julai 1958. Kwenye kazi zake za RCA, Reeves alikuwa bado akiimba kwa staili ya rekodi zake za awali ikichukuliwa kuwa ndiyo viwango vya nchi yake na waimbaji wa Magharibi kwa nyakati hizo. Sauti yake ilishuka akitumia ulingo mdogo huku akiimba hali mdomo wake ukigusa kipaza sauti japo kulikuwa na mgomo wa wafanyakazi wa RCA ambao wangeweza kumrekebisha. Reeves alikuja kujulikana kama mwimbaji mwenye hisia kali kutokana na utajiri wa sauti nyororo. Nyimbo kama "Adios Amigo", "Welcome to My World", na "Am I Losing You?" vinaelezea ukweli huu. Nyimbo zake za Krismas zimekuwa zikipendwa kwa misimu yote zikijumuisha "Krismas", "Blue Christmas" na "An Old Christmas Card". Pia ametumika kuzipa umaarufu nyimbo nyingi za Injili zikiwemo "We Thank Thee", "Take My Hand, Precious Lord", "Across The Bridge", "Where We'll Never Grow Old" na nyingine nyingi. Mapema miaka ya 1960s na umaarufu wake wa kimataifa Reeves alipata mafanikio yake makubwa kwa utunzi wake na Joe Allison wa "He'll Have to Go" na kumpatia tuzo ya shaba. Aliitoa kwa umma mwishoni mwa 1959, na kushika nambari moja kwenye kura ya maoni ya jarida la Billboard kwenye safu ya nyimbo kali za wasii wa ndani ya nchi mnamo Februari 8, 1960, ambayo ilishinda mara 14 mfululizo. Mwanahistoria wa miziki ya ndani ya nchi ndugu Bill Malone aliutolea maoni wimbo huu kama wimbo unaogusa nchi nzima". Pia Malone alisifia sauti ya Reeves akisisitiza kuwa wapenzi wake wanamfananisha Reeves na mtu mwenye sauti laini kama kitambaa cha velvet. Mwaka 1963, alitoa albamu yake maarufu ya nyimbo 12 za Krismas. Mwaka 1975, produza wa RCA Chet Atkins alimweleza msaili Wayne Forsythe, kuwa "Jim alitaka kuimba tu pasina kujali utamu wa sauti ambao ndiyo nilitaka afikie... Nilikuwa sahihi, kwa kweli. Baada ya kubadili sauti yake kuwa ya kuvutia sana hadhira, aliibuka na kuwa maarufu sana." Umaarufu wa Reeves ulivuma kimataifa katika miaka ya 1960s. Umaarufu wake Marekani ulisaidia kuzipa miziki ya nchi yake soko la dunia nzima kwa mara ya kwanza. Afrika Kusini Mapema miaka ya 1960s, Reeves alikuwa maarufu zaidi nchini Afrika Kusini kuliko Elvis Presley na alirekodi albamu nyingi katika lugha ya Afrikana. Mwaka 1963, alitalii na kutolewa kwenye filamu ya Afrika Kusini iliyoitwa Kimberley Jim. Filamu hii ilitolewa ikiwa na utangulizi na mwisho wa kumuenzi Reeves kwenye sinema za Afrika Kusini baada ya kifo chake zikimsifia kama rafiki wa kweli wa nchi yao. Britania na Ireland Reeves alitalii Britania na Ireland mwaka 1963 akiwa na kikosi cha Reeves na the Blue Boys, alitembelea pia ngome ya kijeshi ya Marekani iliyopo Ireland kati ya Mei 30 hadi Juni 19, 1963. Onyesho lake lilihudhuriwa na umati mkubwa wa watu wanaokisiwa kufikia 1,700. Hapa Jim hakupendezewa na piano licha ya kuguswa na hadhira kubwa ya watu. Licha ya umati huo mkubwa, Jim aliamua kufanya onyesho kwenye redio na televisheni. Alirekodi nyimbo zake tatu zikiwemo za “I love You Because”, na I won’t Forget You”. Nyimbo hizi zinakisiwa kuuza idadi kubwa ya kanda zipatazo 860,000 na 750,000 ziliuzwa mfululizo katika Britania pekee. Aliruhusiwa kufanya onyesho Ireland na shirikisho la Muziki la Ireland kwa makubaliano kuwa washirikiane gharama na bendi za maonyesho za Ireland. Norway Kazi za Reeves zilipambanishwa huko Norway na kufanikiwa kushinda kwa kushika namba moja. Onyesho lake lilirekodiwa na mitandao ya TV za Norway na kupigwa mfululizo kwa mwaka mzima na kufanywa mwanamuziki maarufu katika historia ya Norway. Kazi zake zilizong'ara kwenye matamasha jijini Oslo Norway Aprili 16, 1964 akiwa na kundi lake la Blue Boys na The Anita Kerr Singers ni "You're the Only Good Thing (That's Happened to Me)", "He 'll Have to Go", "I Love You Because". Rekodi zake za mwisho wa uhai wake Reeves kuelekea mwisho wa uhai wake alirekodi "Make the World Go Away", "Missing You", na "Is It Really Over?". Pale nafasi ilipobaki katika mfululizo huo wa kurekodi, Jim alirekodi wimbo wake wa mwisho kabisa na kituo cha RCA uliojulikana kama "I Can't Stop Loving You". Zipo nyimbo ambazo alirekodi kwenye studio yake ndogo ya nyumbani ambazo RCA haikutaka kuzitoa sokoni kutokana na kwamba hazikuwa zimewekewa lebo ya mmiliki. Kifo Mnamo Julai 31, 1964, Reeves na mfanyakazi mwenzake ambaye ni meneja aliyeitwa Dean Manuel (ambaye pia alikuwa ni mpiga piano wa kundi la akiba la Reeves, the Blue Boys) waliondoka Batesville, Arkansas, wakielekea Nashville wakiwa ndani ya ndege ya injini moja aina ya Beechcraft Debonair, iliyokuwa ikirushwa na Reeves mwenyewe kama rubani wake. Wawili hawa walipata fursa ya biashara ya mashamba lakini pia Reeves alipata fursa nyingine ambayo haikutimia ya kununua nyumba toka katika familia ya LaGrone huko Deadwood, Texas, Kaskazini mwa alikozaliwa Galloway. Wakati wakiruka kwenye anga ya Brentwood, Tennessee, walikumbana na radi kali. Uchunguzi wa awali uligundua kuwa ndege hiyo ndogo ilinaswa kwenye dhoruba na Reeves akapata kuchanganyikiwa kwa kiasi fulani. Mjane wa Reeves, Mary Reeves aliyeishi kati ya 1929–1999, pengine kwa kutokujuwa alianza kusambaza habari kuwa mumewe alikuwa akirusha ndege kichwa chini akidhani alikuwa akipaa juu zaidi kukwepa dhoruba. Hata hivyo, kulingana na  Larry Jordan, mwandishi wa wasifu (bio) wa mwaka 2011, Jim Reeves: His Untold Story, tukio hili linakanushwa na mashuhuda waliofahamika kwa wachunguzi wa ajali hiyo ambao waliona ndege ikiwa juu usawa wa kichwa (overhead) mara kabla ya ajali, na wakathibitisha kuwa Reeves hakuwa akiruka kichwa chini.   Kushoto ni ndege aliyokuwa akiendesha Reeves na kulia ni wachunguzi wakichunguza ajali yake ambaye ilisababishwa ba hali mbaya ya hewa. Jordan anaandika kwa mapana kuhusu ushahidi wa uchunguzi wa ajali hii, ambayo inapendekeza kuwa badala ya Reeves kuelekeza ndege upande wa kulia kukwepa dhoruba (kama alivyoelekezwa na mwongoza radar wa ndege zinazotua), Reeves yeye alikunja kushoto akitaka kujaribu kufuata barabara ya Franklin kuelekea uwanja wa ndege. Katika kufanya hivyo akajikuta ameelekea kwenye mvua. Akiwa ametingwa na kujaribu kurejea/kusoma mwongozo wake wa kutua, Reeves kwa kitendo hicho alisababisha ndege kwenda spidi ndogo na kuifanya ikashindwa kuendelea kuruka katika spidi kubwa. Akiwa amezama katika kujitegemeza kwenye ufahamu wake binafsi zaidi ya ujuzi aliopata kwenye mafunzo ya urubani, ushahidi ulionyesha kuwa aliongeza nguvu zote na akipambana na mvutano kabla ya kuweka sawia mbawa za ndege—kosa kubwa baya lakini la kawaida lilisababisha ndege kuvingirika katika hali ambayo kuiokoa ilikuwa nadra sana. Jordan anaandika kuwa kulingana na taarifa iliyorekodiwa kwenye mnara wa kuongozea ndege, Reeves alijiingiza kwenye mvua kubwa majira ya saa 10:51 alasiri na kupinduka dakika moja baadaye yapata saa 10:52 alasiri. Wakati kifusi cha ndege kilipogundulika masaa 42 baadaye, iligundulika kuwa injini ya ndege na pua lake vilizama kabisa ardhini kutokana na ukubwa wa nguvu ya muanguko wake toka juu. Sehemu ya ajali ilikuwa kwenye msitu wa Kaskazini Kaskazini-Mashariki (north-northeast) ya Brentwood takriban njiapanda ya Baxter Lane na Franklin Pike Circle, Mashariki ya Interstate 65, na Kusini Magharibi ya uwanja wa ndege wa kimataifa wa Nashville ambapo Reeves alipanga kutua. Kama bahati vile wote, Reeves na Randy Hughes, rubani wa ndege iliyopinduka ya Patsy Cline walifunzwa na mkufunzi mmoja. Asubuhi ya Agosti 2, 1964, baada ya msako mkubwa sana wa makundi mbalimbali ya uokozi (ambao ulijumuisha marafiki mbalimbali binafsi wa Reeves wakiwemo Ernest Tubb na Marty Robbins) mabaki ya miili ya muimbaji na Dean Manuel yalipatikana kwenye kifusi cha ndege  na majira ya saa 7:00 adhuhuri kwa masaa ya Marekani, vituo vya redio nchi nzima ya Marekani vilianza kurusha rasmi taarifa za kifo cha Reeves. Maelfu ya watu walisafiri kwenda kutoa heshima za mwisho kwenye msiba wake siku mbili baadaye. Jeneza, likiwa limepambwa kwa mauwa, toka kwa wafuasi wake, liliendeshwa kwa kupitishwa kwenye mitaa ya Nashville na baadaye kuelekea kwenye sehemu ya mapumziko ya mwisho ya Reeves karibu na Carthage, Texas. Inataarifiwa kuwa mabaki ya mwili wa Reeves hayakuruhusiwa kuangaliwa kwenye zoezi la kutoa heshima za mwisho.    Masalia Jina lake lilipewa mtaa Jim Reeves Drive katika jiji la Texas ambapo pana ukumbi mkubwa wa miziki maarufu huko Carthage. Reeves alichaguliwa katika ukumbi huu baada ya kifo chake kuwa mwanamuziki maarufu mwaka wa 1967, tuzo ambayo ilimpa heshima na kutolewa tamko kuwa, “Staili ya velvet ya Gentleman Jim Reeves ilikuwa ya ushawishi wa kimataifa”. Utajiri wa sauti yake (vocal) ilivuna mamilioni ya wafuasi wa muziki toka pande mablimbali za dunia kupenda muziki wa Kimarekani. Ingawa ajali ya ndege yake ilichukuwa uhai wake, ukoo utaendeleza jina lake kuwa hai kwa sababu watamkumbuka kama mmoja wa wanamuziki maarufu. Maandishi ya kumbukumbu kwenye kaburi lake yanasomeka hivi: “Kama mimi mwimbaji wa chini, nikifuta chozi, au nikipooza moyo wa mtu mmoja mnyeyekevu inayogugumia maumivu, basi aya yangu kwa MUNGU ni nzuri, na hata ubeti mmoja hautaimbwa kwa uchungu”   Kaburi lake Matoleo baada ya kifo Rekodi za Reeves ziliendelea kuuzwa sana zote za zamani na albamu za baada ya kufa, mjane wake Mary aliunganisha kazi ambazo hazikuzinduliwa na zile zilizozinduliwa akiweka midundo/beats mpya sambamba na sauti orijino za Reeves ili kuzalisha mfululizo mwingine wa albamu mpya baada ya kifo cha mumewe. Pia aliendesha jumba la makumbusho ya Jim Reeves huko Nashville kuanzia katikati ya mwaka 1970 hata 1996. Kwenye kumbukumbu ya 15 ya kifo cha Reeves, Mary alimwambia mwandishi wa jarida la muziki aliyemsaili kuwa, "Jim Reeves mume wangu ameondoka; Jim Reeves msanii anaishi." Mwaka 1966, wimbo wa Reeves wa "Distant Drums" ulishika nambari moja huko Britania katika single/singo zilizoshindanishwa. Awali RCA ilidhani kuwa wimbo huo ni kwa ajili ya matumizi ya kujifurahisha binafsi na kwamba haukufaa kutumika kwa ajili ya umma. Ndiposa RCA ikagundua kuwa kulikuwa na soko kubwa la toleo hilo huko Vietnam kufuatia vita iliyokuwa ikirindima huko Vietnam na Marekani ikaingia vitani kujaribu kuzuia kutanuka kwa ukomunisti na Marekani kujikuta ikishindwa vibaya sana maana haikuweza kupigana vita vya gorilla [vita vya msituni]. Nchini Uingereza wimbo huu ulishindanishwa na kufanikiwa kushika nambari moja. Reeves akaja kuwa Msanii wa Kimarekani kwa kwanza kushinda na wimbo huo ukapewa hadhi ya wimbo wa mwaka wa Uingereza. Mwaka huo huo mwimbaji Del Reeves [hawana uhusiano wa kidugu] akatengeneza albamu kwa heshima ya marehemu Jim Reeves. India na Sri Lanka Reeves alijipatia wafuasi wengi huko India na Sri Lanka kuanzia miaka ya 1960s, na inadhaniwa ni pekee ndiyo mwimbaji wa lugha ya kingereza ambaye ni maarufu nchini Sri Lanka. Matoleo yake ya Krismas yameendelea kuwa maarufu na stoo za muziki zimeendelea kuuza CDs na kaseti zake. Nyimbo zake mbili, "There's a Heartache Following Me" na "Welcome to My World," zilipendwa na Mwalimu wa Kiroho wa Kihindi Meher Baba. Nyakati za misimu ya Krismas matoleo yake ya "Jingle Bells", Silent Night" au "Mary's Boy Child" yamekuwa yakitafutwa sana nchini Sri Lanka. Robert Svoboda, katika kazi yake ya sanaa-andishi juu ya Aghora na the Aghori Vimalananda, ametaja kwamba Vimalananda anamdhania Reeves kuwa ni gandharva, katika utamaduni wa Kihindi, inamaanisha ni mwanamuziki wa Kimbingu, ambaye amezaliwa duniani. Svoboda alipiga wimbo wa Reeves wa "Take My Hand, Precious Lord" wakati mwili wa Vimalananda ukichomwa moto kwa desturi za masishi ya Kihindu. Kifo cha Mary Reeves Mnamo mwaka 1996, Mary Reeves alikuwa akiishi na wanyama jamii ya paka wapatao 200 kwenye shamba lake chakavu. Alihamishiwa kwenye kituo cha mapumziko wanakolelewa watu wazee na Terry Davis akapewa mamlaka ya kisheria (power of attorney) ya kusimamia urithi. Mapema mwanasheria huyu akaingia mapatano ya kuuza mali za mjane Mary ikiwemo haki ya kuweka sokoni jina la Jim Reeves kwa thamani ya dola milioni 7. Vyote vilinunuliwa na mwendesha uwanja wa maonyesho, Ed Gregory, na uuzaji huu ukaingia dosari tangia hapo ambapo ndugu zake Reeves's waliweka pingamizi la kisheria kuhusu uamuzi huo. Yeyote ambaye angeshinda haki hiyo ya mnada angekuwa na fursa ya kutengeneza mamilioni ya dola na kuwa tajiri. Mtu anatumaini mali hizo zitawekwa sokoni na kuendelea kupendwa na wapenzi wa masalia ya kazi za Jim Reeves. Mary Reeves alipoteza kabisa tumaini la kuishi kufuatia mzozo huo na ilipowadia mwaka 1999 aliaga dunia na kuacha mgogoro mkubwa wa kimahakama kuhusu mirathi ya mali alizochuma na mumewe.

                         
KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO 0784 477775 au Whatup 0784 477775 AU FB Martin Malecela follow me in Twetter martmalecela au tembelea page yetu na ulike martmalecela.blogspot.com