Na Douglas
Majwala
Zek.2:5
tunaona MUNGU akiazimia kulinda Yerusalemu aliyowapa wana wa Israel akisema
yeye MUNGU atakuwa ukuta wa moto kuuzunguka maana yeye ndiyo huo utukufu [yaani
yeye ndiye utukufu uliokuwa juu ya wana wa Israel]. Zek.12:3 Mataifa yanayotaka
kuutwaa Yerusalemu yatapata majeraha maana umefanywa jiwe litakalowaelemea
[yaani watashindwa vita na chumi zao zitaporomoka kwa vita na kwa kutoibariki
Israel maana imeandikwa atakayekulaani atalaaniwa, atakayekubariki atabarikiwa
Mwa.27:29, pia
“Mwa.12:3 Nami nitawabariki wakubarikio, naye
akulaaniye nitamlaani; na katika wewe jamaa zote za dunia watabarikiwa”].
MUNGU
anasema katika “Zek.12:9 Hata itakuwa siku hiyo ya kwamba atatafuta
kuwaangamiza mataifa yote watakaokuja kupigana na Yerusalemu.” Tunaona jinsi
ambavyo mataifa yanayojiingiza kwenye mgogoro huu chumi zao zikiingia gharama
kubwa ama kwa njia ya vita kuathiri bidhaa ya mafuta na kuteteresha chumi za
dunia nzima, hii ni njia ya MUNGU kutimiza ahadi yake kuwa atatafuta
kuwaangamiza mataifa yote watakaokuja kupigana na Yerusalemu [ikiwemo kupingana
na Agano la MUNGU juu yake], hivyo siyo lazima waangamie kwa vita, gharika wala
moto wa Sodoma na Gomora bali hata kiuchumi kama nilivyofafanua. Marekani
anayejuwa siri hii huwa anaingia kwenye mgogoro kwa tahadhari kubwa sana
iliyokokotolewa [highly calculated risk] na uangalifu wa ziada [extra caution].
Tanzania yenyewe baada ya kuvunja uhusiano na Israel bado hadi leo ina
maombolezo ya umasikini huku rasilimali zake [ngano yake na divai yake
iliyozitolea jasho na ilizopewa na MUNGU] zinaliwa na nondo, kutu, madumadu,
tunutu, parare, nzige, mchwa yaani mafisadi wa kitaifa na kimataifa na kubaki
na laana ya rasilimali [resource curse], naamini serikali ya Tanzania na Kanisa
la Tanzania kama zikifanya marejeo ya uhusiano na Israel na kutangaza hadharani
kuwa iko nyuma ya Israel kwenye mgogoro huu ambao siyo wa kidini wala kisiasa
[maana serikali ya Tanzania haina dini bali ina imani na imani siyo dini na
inatumia imani kwenye viapo vyake] natamka kwa ujasiri kuwa dira ya taifa ya
2025 itawezekana kabla ya 2025 kufika na Tanzania kuwa uchumi wa kati Mini
Tiger kwa spidi hiyo. Jiulize swali hili, kwa nini mafia wa kiuchumi wa
kimataifa hawaingii Israel iliyojaa maziwa na asali? Wastani wa pato la kila
mtu Israel GDP per capita ni dola za Marekani 36,151.21 [2013], ikiwa na idadi
ya watu 8,296,000 ml [2014] wakati Tanzania ni dola za Marekani 502.08 [2013]
kwa mujibu wa Benki ya Dunia. Pato-ghafi la Israel GDP ni dola za Marekani
291.4 bl [2013], ukizidisha GDP ya Israel katika dola za Marekani na GDP ya
Tanzania kwa bei ya soko la dola ya USD 1 = Tzs.1750 hutaamini kalkuleta yako
[jaribu kukokotoa uone], na hapo sasa uone bajeti ambayo Israel inatumia kwa
watu 8,296,000 ml tu, dhidi ya bajeti ya Tanzania kwa watu 44,928,923 ml [Sensa ya 2012]. Wastani
wa maisha [life expectancy] ya Muisrael ni miaka 84.0 kwa wanawake na miaka
80.02 kwa wanaume [2014], Tanzania wastani wa jumla wa maisha ni miaka 61
[2012]. Waisrael wanaishi kwa mbali zaidi miaka ya Biblia. Kama sera ya
diplomasia yetu inalenga uchumi zaidi kwa nini tuendelee kuvunja uhusiano na
taifa kama Israel?
Unabii
wa Zek.12:9 kuwa mataifa yote ya dunia watakusanyika pamoja juu yake, umetimia
ambapo tunashuhudia mataifa kupitia jumuiya za kimataifa kama UN [ikiwemo Arab
League] ambayo ndiyo imebeba mataifa ya dunia hii; ambayo yanakusanyika juu ya
Israel kupitia UN, lakini tunaona ni kwa namna ambayo haiko sawasawa na Agano
la MUNGU na wana wa Israel, maana UN inatoa haki pasipo haki na kunyima haki
panapo haki, inaweka huruma mahala ambapo MUNGU mwenyewe ameishatangua huruma
yake hapo na kuweka ghadhabu na kuondoa baraka kwa kizazi cha Kanaani na kizazi
cha Misri ambao wote hawa walimuasi MUNGU na kugeukia miungu, UN inaweka siasa
mahala ambapo MUNGU ameweka imani, inawezekana vipi jambo hili la UN?
Inawezekana vipi jambo hili la mataifa ya dunia kupitia mwamvuli wa UN? Je,
chini ya jua yupo mwanadamu awezaye kubishana na MUNGU? Au awezaye kutangua
Agano ambalo hakuliweka wala yeye siyo sehemu ya Agano hilo, tena la Kimbingu? Mamlaka
hayo anayapata wapi? Kwa MUNGU yupi? Au ni ibada ile ile ya sanamu kwamba
mataifa kupitia UN hayamtambui MUNGU wa Israel kama ambavyo Wakanaani na
Wamisri na vizazi vyao walivyoabudu sanamu [miungu]? Yafuatayo ni ushahidi wa
maandiko jinsi ambavyo MUNGU aliwapa wana wa Israel nchi ya ahadi. Wana wa
Israel pia kwa nyakati tofauti tofauti walifika kiwango cha mateso na mapito
ambacho kilitindisha imani zao kwa MUNGU na wakawa kama waasi pia sawa na
Wakanaani na ndugu zao, tofauti na Wakanaani na ndugu zao waliomuasi MUNGU,
wana wa Israel walimrudia MUNGU wao baada ya kugundua kuwa hakuna msaada kwa
miungu na kwamba salama yao iko katika kuheshimu Agano na kuambatana na MUNGU
wao pekee anayeweza kuwaokoa mikononi mwa Wakanaani na ndugu zao. Wakafanya
rejea jinsi ambavyo MUNGU huyu aliwaokoa utumwani Misri kwa ishara za ajabu
ambazo haziwezikufanywa na miungu. Walifanya toba wakarejea kumuamini MUNGU na
Agano lao MUNGU aliendelea kuliheshimu bila kulitangua.
Soma
jinsi ambavyo Nehemia anavyoomboleza kwa MUNGU ili aendelee kushika Agano lake
la kuwapa wana wa Israel mahali katika nchi ya Wakanaani kama alivyoahidi. Hapa
pia unagundua kuwa utumishi wa Musa haukutofautiana sana na wa Nuhu katika
kuwahimiza watu wao kuendelea kumuabudu MUNGU wao wa kweli japo watu hao
hawakushika mashauri ya viongozi wao [Musa na Nuhu] kwa maana waliasiasi kwa
vipindi tofauti tofauti lakini wana wa Isarel wakamrudia MUNGU wao lakini Mamori,
na Mahiti, na Mperizi, na Mkanaani, na Mhivi, na Myebusi wakaangamia. Neh.1:6-10;
6tega sikio lako, macho yako
yakafumbuke, upate kuyasikiliza maombi ya mtumishi wako, ninayoomba mbele zako
wakati huu, mchana na usiku, kwa ajili ya wana wa Israeli, watumishi wako; hapo
ninapoziungama dhambi za wana wa Israeli, tulizozifanya juu yako; naam, mimi na
nyumba ya baba yangu tumefanya dhambi. 7Tumetenda
maovu mengi juu yako, wala hatukuzishika amri, wala sheria, wala hukumu,
ulizomwamuru Musa, mtumishi wako. 8Nakuomba,
likumbuke neno lile ulilomwamuru Musa, mtumishi wako, ukisema, Mkikosa,
nitawatawanya kati ya mataifa; 9bali
mkinirudia mimi, na kuzishika amri zangu na kuzitenda, watu wako
waliofukuzwa wajapokuwa katika pande za mwisho za mbingu, hata hivyo
nitawakusanya kutoka huko, na kuwaleta mpaka mahali pale nilipopachagua ili
kuliweka jina langu hapo. 10Basi watu
hao ni watumishi wako na watu wako, uliowakomboa kwa uweza wako mwingi, na kwa
mkono wako hodari.
Sasa soma jinsi ambavyo Nehemia [Mhandisi/Mkandarasi wa
ujenzi/Civil Engineer/Contractor] amepewa ruhusa na MUNGU kwenda kuujenga upya
Yerusalemu iliyobomoka ambapo huko pia kulikuwa na makaburi ya baba zake.
Nehemia amepata kandarasi hii kwa ajili ya wana wa Israel kujengewa Yerusalemu
yao upya, tena MUNGU sasa anaweka walinzi kulinda Yerusalemu [Isa.62:6 Nimeweka walinzi juu ya kuta zako, Ee
Yerusalemu; hawatanyamaza mchana wala usiku] Neh.2:16, 19-20 16Wala mashehe hawakujua nilikokwenda,
wala nilivyotenda; wala sijawaambia Wayahudi, wala makuhani, wala wakuu, wala
mashehe, wala watu wengine waliokuwa wakiifanya kazi hiyo. 19Lakini
waliposikia Sanbalati, Mhoroni, na Tobia, mtumishi wake, Mwamoni, na Geshemu,
Mwarabu, walitucheka, wakatudharau, wakasema, Ni nini neno hili mnalofanya? Je!
Mtaasi ninyi juu ya mfalme? 20Ndipo nikawajibu, nikawaambia, Mungu
wa mbinguni, yeye atatufanikisha; kwa hiyo sisi, watumishi wake, tutaondoka na
kujenga; lakini ninyi hamna sehemu, wala haki, wala kumbukumbu, katika
Yerusalemu. Kwa hiyo msitari huo wa mwisho unathibitisha kuwa Yerusalemu
siyo yao, hata haki na kumbukumbu lao vimeondolewa.
Sasa unaona maadiko yalivyowazi ndugu msomaji!!! Ndiyo maana
Israel haiwezikukubali kuiachia Yerusalemu na japo Palestina inakalia sehemu
yake lakini Muisrael lazima atakuja kuikomboa tu maana kuiachia Palestina ni
kuasi Agano la MUNGU aliloweka na wana wa Israel kuwa amewapa mji huo, naamini
hata Marekani ambayo nayo kama Israel ilipigana vita vingi sana katika karne ya
18-19 kuikomboa ardhi yake, wanayaelewa maandiko haya bila shida na ndiyo maana
kama mimi, na wao pia wanachukuwa upande wa Israel katika mgogoro huu. Sasa,
mimi naamini kuwa Mwarabu na Mashehe waliotajwa hapo juu siyo waislamu, kwa
maana wakati huo japokuwa hawa walikuwa katika kundi lililomuasi MUNGU wa kweli
lakini uislamu haukuwepo kipindi hicho, uislamu umekuja karne ya 7 AD, baada ya
YESU kumaliza kazi duniani na muanzilishi wa uislamu [ambao maana ya uislamu ni
“jisalimishe kwa mungu” na uislamu nao pia ni Monotheistic] mtume Mohammed
hakuwepo enzi za Manabii [siyo Nabii] bali ni mtume na amekuja baada ya YESU.
Kwa mantiki hiyo basi, mashehe na mwarabu waliotajwa hapo mzizi [origin] wao ni
katika kizazi cha Misri mwana wa Hamu ambaye Hamu ni mtoto kwa Nuhu, na Misri
ndiko alikotoka kijakazi Hajiri mama wa Ishmail kwa Ibrahimu. Kipindi hicho
hakukuwa na uislamu wala Kanisa halikuwepo kwa sababu Kanisa limeanza mwaka wa
30 baada ya YESU ila Ukristo kama imani [Ukristo siyo dini] ulikuwepo, kwa hiyo
kwa maneno mengine ni kuwa mwarabu na mashehe walitokana na Ukristo [ambao siyo
dini] pia maana ndiyo imani iliyokuwepo na ndiyo iliyofanya uumbaji; kabla
hawajamuasi MUNGU kupitia vuguvugu la uasi uliozikumba koo za Kaanani na
nduguze Misri nk. Ndiyo maana nimesisitiza kuwa mgogoro huu siyo wa kidini.
Wapalestina, waislamu, Wadruze, Wakurdi, Jewish, Judaism, Wabahai, Waarmenia, Waaramean
na Wakristo wasiuchukulie kuwa ni wa kidini. Dini asili yake ni dunia ila imani
asili yake ni Mbingu japo inafanyakazi hadi duniani lakini dini haina nafasi
Mbinguni. Narejea kwamba, bila msaada wa Roho wa MUNGU, mafundisho haya ni
magumu sana kueleweka japo yamefunuliwa kwetu sawa na Kumb.29:29. Ni wazi
kabisa kuwa tunaangamia kwa kukosa maarifa.
Amosi pia anathibitisha MUNGU kuwapa wana wa Israel nchi
aliyowaahidia, Amo.9:14-15 14Nami nitawarejeza tena watu wangu Israeli waliohamishwa, nao wataijenga
miji iliyoachwa maganjo, na kukaa ndani yake; nao watapanda mizabibu katika
mashamba, na kunywa divai yake; nao watafanyiza bustani, na kula matunda yake. 15Nami nitawapanda katika nchi yao,
wala hawatang'olewa tena watoke katika nchi yao niliyowapa, asema Bwana, Mungu
wako.
Tazama ushahidi mwingine kuthibitishakuwa MUNGU aliwapa wana
wa Israel nchi hiyo ya ahadi. Pia unagundua kwamba hata Yoshua naye aliambiwa
asitangue Agano hilo, kama ambavyo Manabii wote hawakutangua akiwemo YESU Nabii
wa mwisho katika safu ya Manabii wa MUNGU wa nyakati za Biblia. Soma hii: Yos.1:1-8 1Ikawa
baada ya kufa kwake Musa, mtumishi wa Bwana, Bwana akamwambia Yoshua, mwana wa
Nuni, mtumishi wa Musa, akasema, 2Musa
mtumishi wangu amekufa; haya basi, ondoka, vuka mto huu wa Yordani; wewe na
watu hawa wote, mkaende hata nchi niwapayo wana wa Israeli. 3Kila mahali zitakapopakanyaga nyayo
za miguu yenu, nimewapa ninyi, kama nilivyomwapia Musa. 4Tangu jangwa hili na mlima huu,
Lebanoni, mpaka mto ule mkubwa, mto wa Frati, nchi yote ya Wahiti, tena mpaka
bahari ile kubwa upande wa machweo ya jua, hapo ndipo patakapokuwa mpaka wenu.
5Hapatakuwa mtu ye yote
atakayeweza kusimama mbele yako siku zote za maisha yako; kama nilivyokuwa
pamoja na Musa, ndivyo nitakavyokuwa pamoja na wewe; sitakupungukia wala
sitakuacha. 6Uwe hodari na
moyo wa ushujaa, maana ni wewe utakayewarithisha watu hawa nchi hii niliyowaapia
baba zao ya kwamba nitawapa. 7Uwe
hodari tu na ushujaa mwingi, uangalie kutenda sawasawa na sheria yote
aliyokuamuru Musa mtumishi wangu; usiiache, kwenda mkono wa kuume, au wa
kushoto, upate kufanikiwa sana kila uendako. 8Kitabu
hiki cha torati kisiondoke kinywani mwako, bali yatafakari maneno yake mchana
na usiku, upate kuangalia kutenda sawasawa na maneno yote yaliyoandikwa humo;
maana ndipo utakapoifanikisha njia yako, kisha ndipo utakapositawi sana.
Lakini kwa nini Israel inashutumiwa na mataifa duniani kwa
operesheni za kimedani dhidi ya maadui zake? Kibali hicho cha mashambulizi Israel
inapata wapi? Hii ndiyo sababu iliyofanya Tanzania ikavunja uhusiano na Israel
kwa kigezo hiki cha vita ikihisi mahasimu wa Israel wanatendewa visivyo na
Israel kupitia vita kati yao, naona kama Tanzania ilichukuwa uamuzi wa kupotoka
kabisa kwa sababu siku zote vita vikipiganwa lazima awepo wa kuumia hata kama
ni kiuchumi. Hata katika vita ya Mbinguni shetani alishindwa Ufu.12:7. Lakini
ukisoma maandiko vizuri na kama wewe una Roho wa MUNGU ndani yako kukuongoza
kuielewa vizuri Biblia na imani nzima ya Ukristo na muktadha wa Agano la MUNGU
kwa wana wa Isarel, hutapata taabu kuelewa hatua za kijeshi za Israel kwa
maadui zake ambao ni kizazi cha ukoo ulioasi tangu Nuhu ambao ni uasi wa pili
huu wa mwanadamu baada ya ule wa Adamu. Israel ina kibali kamili cha kimaandiko
kufanya mashambulizi, na kibali hicho kimemuonya Israel kuwa asishambulie hadi
ameshambuliwa kwanza, hivyo Israel hakulupuki tu kushambulia lakini anajibu
mashambuli kwa mujibu wa maandiko ambayo yako wazi wazi kabisa. Ebu soma hii: Kut.21:23-25
23Lakini kwamba pana madhara zaidi, ndipo
utatoza uhai kwa uhai, 24jicho kwa jicho,
jino kwa jino, mkono kwa mkono, mguu kwa mguu, 25kuteketeza
kwa kuteketeza, jeraha kwa jeraha, chubuko kwa ajili ya chubuko. Huyu ni MUNGU mwenyewe
anaonya na ametoa kibali kwamba adui zako wakitoza uhai nawe toza uhai,
wakiteketeza na wewe teketeza, wakisababisha jeraha nawe sababisha jeraha,
wakichubua nawe chubua, tena katika msitari wa 23 MUNGU ameiagiza Israel kuwa
mpaka pawepo na madhara kwako kwanza uliyosababishiwa ndipo na wewe
ujibu. Sasa mashutumu kwa Israel yanatoka wapi?
Hakuna mwanadamu chini ya jua angeweza kwenda kinyume na amri
hii MUNGU aliyowapa wana wa Israel kutekeleza, vivyo hivyo kwa sababu Agano
bado linasimama [hata YESU alilikazia litime/hakulitangua] Israel haina chaguo
mbadala bali inahakikisha inatekeleza amri halali ya MUNGU wao kama ambavyo mtu
mwingine awaye yote angeweza kutekeleza amri ya bwana wake yeye akiwa kama
mtumwa/mtumishi wake. Soma hii uone maagizo halali ya MUNGU kwa wana wa Israel
[nasema halali kwa sababu yeye MUNGU ni mtakatifu na hakosei na hatendi dhambi]
kuimiliki nchi ya ahadi. Kut.23:23-33 23Kwa kuwa malaika wangu atatangulia mbele
yako, na kukufikisha kwenye Mwamori, na Mhiti, na Mperizi, na Mkanaani, na
Mhivi, na Myebusi; nami nitawakatilia mbali. 24Usiisujudie
miungu yao, wala kuitumikia; wala usitende mfano wa matendo yao; bali
utaiangamiza kabisa, na nguzo zao utazivunja vipande vipande. 25Nanyi mtamtumikia Bwana, Mungu wenu, naye
atakibarikia chakula chako, na maji yako; nami nitakuondolea ugonjwa kati yako.
26Hapatakuwa na mwenye kuharibu mimba,
wala aliye tasa, katika nchi yako; na hesabu ya siku zako nitaitimiza. 27Nitatuma utisho wangu utangulie mbele yako,
nami nitawafadhaisha watu wote utakaowafikilia, nami nitawafanya hao adui zako
wote wakuonyeshe maungo yao. 28Nami
nitapeleka mavu [nyigu mkali] mbele yako, watakaomfukuza Mhivi, na Mkanaani, na
Mhiti, watoke mbele yako. 29Sitawafukuza
mbele yako katika mwaka mmoja; nchi isiwe ukiwa, na wanyama wa bara
wakaongezeka kukusumbua. 30Nitawafukuza
kidogo kidogo mbele yako, hata utakapoongezeka wewe, na kuirithi hiyo nchi. 31Nami nitakuwekea mpaka wako tangu Bahari ya
Shamu hata bahari ya Wafilisti, tena tangu jangwani hata huo Mto; kwa kuwa
nitawatia wenyeji wa nchi mkononi mwako; nawe utawafukuza mbele yako. 32Usifanye maagano pamoja nao, wala pamoja na
miungu yao. 33Wasikae katika nchi yako,
wasije wakakufanya kunitendea mimi dhambi; kwa sababu ukiitumikia miungu yao,
jambo hili halikosi litakuwa ni tanzi kwako. Kwa amri hiyo kali yenye matishio ya adhabu endapo
Israel isingeyatekeleza, mwanamume gani aliyezaliwa na mwanamke angeweza
kujiepusha na mkono wa MUNGU? Je, ni UN? Je, ni Arab League? Je, ni mataifa
yanayopingana na Israel? Hatuoni Tanzania ilivyoathirika na kusitisha mahusiano
ya kidiplomasia na Israel?
Kumb.29:12-13 12 ili uingie katika agano la
Bwana, Mungu wako, na kiapo chake, afanyacho nawe Bwana, Mungu wako, hivi leo; 13apate kukuweka leo uwe taifa kwake naye apate
kuwa Mungu kwako, kama alivyokuambia, na kama alivyowaapia baba zako, Ibrahimu,
na Isaka, na Yakobo. Hii ina maana ili Israel iweze kuwa taifa na ili MUNGU
awezekuwa MUNGU kwake inaibidi aingie katika Agano la Bwana MUNGU wake na kiapo
chake pia. Sasa kama Israel ilipewa sharti hilo kali, nani leo anaidanganya
ivunje/iende kinyume na kiapo kwa ushawishi wa kisiasa tu? Je, MUNGU wakati
anafanya Agano na kuilisha kiapo halali Israel, alifanya hivyo kisiasa? Je,
wanasiasa wanajuwa kwamba viapo vya kisiasa vikivunjwa huwa adhabu hata ya
mauti kama kunyongwa au kupigwa risasi huwa inatekelezwa? Je, wanasiasa hao hao
wanataka viapo vyao vya kisiasa vilindwe na kiapo cha MUNGU kivunjwe na
mvunjaji aendelee kustarehe tu?
Hapa pia tunaona MUNGU akimtumia Yoshua kutimiza dhamira yake
ya kuwamilikisha wana wa Israel ile nchi ya ahadi akiwang’oa waliokuwa
wakiiishi. Yos.3:9-10 9Basi Yoshua
akawaambia wana wa Israeli, Njoni huku, mkayasikie maneno ya Bwana, Mungu wenu.
10Yoshua akasema, Kwa jambo hili mtajua
ya kuwa Mungu aliye hai yu kati yenu, na ya kuwa hatakosa kuwatoa mbele yenu
Mkanaani, na Mhiti, na Mhivi, na Mperizi, na Mgirgashi, na Mwamori, na Myebusi.
Pia Kumb.7:1 1Bwana,
Mungu wako, atakapokutia katika nchi uendayo kuimiliki, atakapoyang'oa mataifa
mengi watoke mbele yako, Mhiti, na Mgirgashi, na Mwamori, na Mkanaani, na
Mperizi, na Mhivi, na Myebusi, mataifa saba makubwa yenye nguvu kukupita wewe.
Kama mataifa haya yalikuwa na nguvu kumpita Israel, je, nguvu hiyo imekwenda
wapi hata leo? Ndiyo maana nilisema mwanzoni kuwa kabla ya kuasi, makabila haya
yalikuwa na nguvu na yalipoasi nguvu yao ikaondolewa na kupewa wana wa Israel.
Ona sasa ghadhabu ya MUNGU inavyowaka moto dhidi ya Mkanaani,
na Mhiti, na Mhivi, na Mperizi, na Mgirgashi, na Mwamori, na Myebusi, Kumb.7:2-5
2wakati Bwana, Mungu wako, atakapowatoa
mbele yako, nawe utawapiga; wakati huo ndipo uwaondoe kabisa; usifanye
agano nao, wala kuwahurumia; wala usioane nao; 3binti yako usimpe mwanawe mume, wala
usimtwalie mwanao mume binti yake. 4Kwa
kuwa atamkengeusha mwanao mume asinifuate, ili wapate kuabudu miungu
mingine; ndipo itakapowaka hasira ya Bwana juu yenu, naye atakuangamiza
upesi. 5Lakini watendeni hivi;
zivunjeni madhabahu zao zibomosheni nguzo zao, yakateni maashera yao,
ziteketezeni kwa moto sanamu zao za kuchonga. Kuasi kuliwapa maadui za
Israel kuwa najisi kabisa kwa MUNGU. Kumuasi MUNGU ni kubaya kuliko ubaya
wowote uujuawo ule. Wewe unayesoma mafundisho haya kama umeasi, fanya haraka
kabla jua halijazama urejee kundini. MUNGU ana wivu unaowaka moto kwa habari ya
kumuasi.
Yoshua aendesha medani usiku na mchana [afunga jua na mwezi
visitembee] kwa amri ya MUNGU aliyeghadhabika kutokana na yeye kuasiwa na
kuabudiwa miungu ya uongo, mbinu hii imewachanganya maadui wa Israel
wakifadhaika, wale waliokuwa kule Gibeoni wanaona jua halitembei na mchana
umerefuka na wale waliokuwa bondeni Aiyaloni wakipigana usiku wanaona mwezi
hausogei pia, yote haya yanatendeka katika sehemu/nchi moja ambayo haikuwahi
kuwa na mabadiliko hayo ya majira tangu kuumbwa kwa dunia, wamejawa uchovu na
hofu kuu ya kupoteza vita maana wamechoka sana, Yos.10:10-14 10Bwana naye akawatapanya mbele ya
Israeli, naye Israeli akawaua uuaji ulio mkuu hapo Gibeoni, akawafukuza
waikimbilie hiyo njia ya kukwelea kwenda Beth-horoni, na kuwapiga hata
kufikilia Azeka, tena hata kufikilia Makeda. 11Kisha
ikawa, hapo walipokuwa wakimbia mbele ya Israeli, hapo walipokuwa katika
kutelemkia Beth-horoni, ndipo Bwana alipowatupia mawe makubwa kutoka mbinguni
juu yao hata kufikilia Azeka, nao wakafa; hao waliokufa kwa kuuawa na hayo
mawe ya barafu walikuwa ni wengi kuliko hao waliouawa na wana wa Israeli kwa
upanga. 12Ndipo Yoshua akanena na
Bwana katika siku hiyo ambayo Bwana aliwatoa Waamori mbele ya wana wa Israeli;
akasema mbele ya macho ya Israeli, Wewe Jua, simama kimya juu ya Gibeoni; Na
wewe Mwezi, simama katika bonde la Aiyaloni. 13Ndipo
jua likasimama, na mwezi ukatulia, Hata hilo taifa lilipokuwa limekwisha
jipatiliza juu ya adui zao. 14Haikuwapo
siku nyingine mfano wa siku hiyo katika siku zilizotangulia mbele yake wala
katika hizo zilizoandama baada yake, hata ikawa yeye Bwana kuisikia sauti ya
binadamu; kwa kuwa Bwana alipiga vita kwa ajili ya Israeli. Hii ndiyo inayotokea hata leo kuwa
Israel inao uwezo wa kupambana na maadui hata kama watakuwa wamemzunguka nyuzi
360.
Amo.2:1-4 1Haya ndiyo asemayo Bwana; Kwa makosa matatu ya Moabu,
naam, kwa manne, sitaizuia adhabu yake isimpate; kwa sababu aliichoma moto mifupa
ya mfalme wa Edomu hata ikawa chokaa; 2lakini
nitapeleka moto juu ya Moabu, nao utayateketeza majumba ya Keriothi; na Moabu
atakufa pamoja na mshindo, na kelele, na sauti ya tarumbeta; 3nami nitamkatilia mbali mwamuzi atoke kati
yake, nami nitawaua wakuu wake pamoja naye, asema Bwana. 4Haya
ndiyo asemayo Bwana; Kwa makosa matatu ya Yuda, naam, kwa manne, sitaizuia
adhabu yake isimpate; kwa sababu wameikataa sheria ya Bwana; wala hawakuzishika
amri zake; na maneno yao ya uongo yamewakosesha, ambayo baba zao waliyafuata.
-Tunaangamia kwa kukosa maarifa-
MWISHO
KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO 0784 477775 au Whatup 0784 477775
AU FB Martin Malecela follow me in Twetter martmalecela au tembelea page yetu na ulike martmalecela.blogspot.com
Hakuna maoni:
Chapisha Maoni