Tuesday, July 31, 2012

MASANJA MKANDAMIZAJI ATOA KALI RUKSA KU BURN

Mchekeshaji maarufu Tanzania ambaye pia ni muimbaji wa nyimbo za Injili Masanja au kwa jina jingine Mchungaji mtarajiwa, ametoa tahadhari kwa wanaombeza kuigiza wakati yeye Mungu hajamwambia kuacha.
Masanja Mkandamizaji akiwa kwenye madhabahu

Msanii huyo ameyasema hayo hivi karibuni alipokuwa akihojiwa na mtangazaji maarufu Millard Ayo kutoka radio moja ya kijamii. Hata hivyo hapo kabla Masanja aliwahi kunukuliwa kwamba ipo siku atakuwa mchungaji pia ataacha uigizaji Mungu atakaposema naye.

Mbali na hayo amewatangazia wanaouza CD feki kwamba “nimemaliza kufanya album yangu ya Gospel najua wako watu mamasta wa kuburn kazi za waimbaji nimewakaribisha waburn hii yangu, yani hamna kesi hashikwi mtu atakaeburn kazi yangu kwa sababu hii ni huduma ukiburn wauzie watu hata mia mia usiziweke ndani”

Kwenye sentensi nyingine Mchekeshaji huyu wa Orijino Komedi ya TBC1 amesema “kuna watu wananiambia Masanja tumeona watu wanauza CD feki nasema kama na wewe unaweza nunua na ukatengeneze zako kwa sababu hii ni huduma nataka watu wapate ujumbe huu wabadilike wamjue Yesu tunaemuhubiri mwanawane”

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

LOVE TANZANIA FESTIVAL KUYAKUTANISHA ZAIDI YA MAKANISA 800 NCHINI


Miwani 10,000 za kusomea kugawiwa Bure
Wafanyabiashara wakubwa na viongozi wa serikari kuinjilishwa kupitia Evening Dinner
Kikundi maalumu cha Michezo ya Baiskeli kuonyesha ufundi wa kuchezea baiskeli
Tofauti na Donnie Moen, Nicole C Mullen ,Christina Shusho,John Lissu,Pastor Safari Paul wa DPC kuongoza Love Tanzania Festival Praise Team

Love Tanzania Festival ni kusanyiko kubwa la kihistoria litakalofanyika kuanzia tarehe 11-12/08/2012 katika viwanja vya Jangwani kuanzia saa saba mchana mpaka saa 2 Usiku.Kwa mujibu wa mmoja wa waandaaji wa kusanyiko hilo Brother Prosper Mwakitalima ameiambia Hosanna Inc kuwa katika kufanikisha kusanyiko hilo makanisa zaidi ya 800 yameshiriki katika maandalizi ya tukio hilo maalumu lenye lengo la kuwakutanisha watu wa dini,kabila,rika zote kwa lengo la kumtukuza Kristo Yesu.

Kwa mujibu wa Mwakitalima kabla ya shughuli ya tarehe 11 na 12 kuna shughuli mbalimbali ambazo Love Tanzania Festival itakuwa ikizifanya kwa jamii ya Tanzania.

Ifuatayo ni Ratiba ya shughuli nzima za LOVE TANZANIA FESTIVAL.

Tarehe 5 August 7:00Asbh – 10.00 Asbh
Mbeba maono wa Love Tanzania Featival mtumishi Andrew Palau atahubiri ibada zote mbili katika kanisa la Upanga City Christian Centre (UCC)

Muimbaji mashuhuri Nicole C Mullen atahudumu

Tarehe 7 August 10Asbh
Kutafanyika Mkutano wa waandishi wa habari(Press Confference) katika Ukumbi wa TBD ambapo Andrew Palau akiambatana na wachungaji, Maaskofu,waimbaji na kikundi cha waonyesha michezo ya Baiskeli watakuwa wakiongea na waandishi wa habari.
Usiku huo wa Tarehe 7 kuanzia saa 11.30 jioni katika ukumbi wa KARIMJEE kutafanyika WOMENS DINNER ambapo kamati imewakaribisha zaidi ya wamama 600 nao watapata nafasi kusikiliza na ya kubadilishana mawazo na Andrew Palau.

Tarehe 8 August 12:00 jioni
Katika Ukumbi wa Karimjee Hall kutafanyika hafla ya chakula cha jioni ambapo viongozi mbalimbali wa serikali na wafanyabiashara wakubwa watapata nafasi ya kukutana na Palau ambapo mtumishi huyo atatumia nafasi hiyo kumtangaza kristo kwa tabaka hilo la watanzania ambao kwa namna moja au nyingine limekuwa ni vigumu kufikiwa na injili ya Yesu kristo.

Tarehe 10:August 8:00 Mchana – 9:00 Jioni
Kutafanyika maozoezi(Rehesal)ya michezo ya Baiskeli ambapo kikundi cha JUNGLE RUSH FMX kutoka Afrika ya Kusini kitakuwa kikifanya mazoezi hayo ili kujiweka sawa.Baada ya mazoezi hayo kutafanyika MAOMBI rasmi kwa ajili ya kuuweka wakfu uwanja wa Jangwani kwa ajili ya shughuli nzima ya tarehe 11-12.



VITUO MAALUMU KWA AJILI YA CLINIC YA MACHO
Love Tanzania Festival siyo tu itahusisha kuponya ROHO za watu kupitia neno la Mungu, pia watakuwepo Madaktari maalumu wa macho kutoka Marekani na watashirikiana na madaktari wa ki-Tanzania ambapo watakuwa wakipima watu mbalimbali wenye matatizo ya macho BURE, wale wenye matatizo ya kutoona vizuri maandishi watapewa MIWANI za kusomea BURE.Jumla ya miwani zipatazo elfu kumi(10,000) zipo kwa ajili ya kugawiwa kwa watanzania ambao watabainika na matatizo hayo, Ratiba ya Clinic hiyo itakayokuwa na vituo vinne ni kama ifuatavyo.

Kituo 1:St Nicholaus Anglican Church –ILALA
Kituo cha 2:Tanzania Assemblies of GOD (TAG-Mbagala)
Kituo cha 3:Lutheran Chuch – Vingunguti
Kituo cha 4: Baptist Mission Church – Magomeni

Kliniki zote hizi zitakuwa zinaanza saa nne asubuhi mpaka saa kumi jioni

Donnie Moen kuhudumu


Masanja Mkandamizaji

Christina Shusho

WALE WA KIMOMBO TWENDE HIVI
Executive Summary:
Love Tanzania Festival is a part of a larger story in Africa that involves 10 Capital Cities in 10 yrs.  A vision of International evangelist Andrew Palau - supported and invited by leaders in Africa.  Significant Festivals have taken place in Cairo, Egypt; Kigali, Rwanda; Kampala, Uganda; Bujumbura, Burundi and now on August 11-12 in Dar es Salaam.
800 plus churches will host Love Tanzania Festival with Andrew Palau. The Festival will take place at Jangwani Grounds and will feature:
Ø  a high energy Children’s program with DUGGIE DUG DUG from London, England;
Ø  Action Sports Demos (including FMX stunt team JUNGLE RUSH from Johannesburg, SA and BMX shows performed by ACTION SPORTS OUTREACH from San Diego, CA);
Ø  Food Vendors will be providing food each day so bring a little cash to buy something to eat. 
Ø  The Festival will also feature a world class Gospel Music show. 
Ø  The Main Stage will present local Tanzanian artists; THE VOICE, CHRISTINA SHUSHO, JOHN LISU plus a team of well-known worship leaders.
Ø  Tanzania’s much loved MASANJA will share his story, and
Ø  Dar es Salaam will also be blessed to host international Gospel Music sensations DON MOEN and NICOLE C MULLEN and DAVE LUBBEN.
Ø  Each day Andrew Palau will be with us to share a message of love and hope for Tanzania.  This event is a partnership between the Luis Palau Association based in Portland, OR in the USA and currently over 800 churches in the city. The local leadership planning this Festival involves nearly 200 people from every major denomination in the city. 

            This is a unique moment to celebrate, to come together to Love Tanzania.  Don’t miss it!”
                        Archbishop Valentino Mokiwa (One of the organizing Bishops)


EVENTS – OPEN TO ALL MEDIA
           
5 August                CITY CENTRE CHURCH AOG (UPANGA)
        7:00a.m. / 10:00a.m.                Andrew Palau will Preach at both Sunday Service
 7 Augu                          PRESS CONFERENCE 
                             10:00a.m.                          Location TBD. All Media Houses will be invited.
                                                                    Bishops, Local Artists, Andrew Palau and BMX                                                      team will address the media.  

6-10 August                    READING EYE GLASS CLINICS                            
                                    10:00a.m-4:00p.m.                  St. Nicholas’ Anglican Church (Ilala)
                                                                                    Tanzania Assemblies of God (TAG) (Mbagala)
                                                                                    The Lutheran Church  (Vingunguti)
                                                                                    Baptist Mission Church (Magomeni)

10,000 Pairs of Reading Glasses will be available at these 4 locations for free. US and Tanzanian Eye Doctors are partnering together under Love Tanzania to bring a tremendous gift in these 4 communities.  Come Early to see the Doctor and receive a free pair of reading glasses                                                                  


6-10 August                  SOCCER + BASKETBALL CLINICS
                             9:00-11:30a.m / 1:30-4:30p.m.            Play for Hope

15 Professional Soccer / Basketball coaches from Rwanda will host clinics for thousands of kids in Ilala, Temeke and Kinondoni.  Confirmed Schedule distributed to Media Houses by July 23rd.

                             SCHOOL PRESENTATIONS
                   
Duggie Dug Dug and a team of Volunteers will do presentations in 8 primary Schools.
Vic Murphy, John Andrus (BMX ACTION SPORTS Team) will do Demos in 5 Primary Schools and then will team up with the Play for Hope Afternoon Main site. The Action Sports team will be joined by international evangelist Mike Parker and a team of volunteers.
                                    Confirmed Schedule distributed to Media Houses by July 23rd

                                                                       
7 August              WOMEN’S DINNER
                                    5:30 p.m.         Karimjee Hall
Matron of Honor, Evelyne Warioba, and the LTF Women’s Committee are inviting 600 Women to an elegant dinner to hear Wendy and Andrew Palau share their story.

8 August              BUSINESS AND CIVIC LEADERS DINNER
                             6:00 p.m.         Karimjee Hall

                                                                 600 Government, Corporate CEOs, Dar es Salaam leaders will                                                                    be invited to another special Dinner moment with Andrew Palau.

*NOTE: Events at Karimjee are not open to public to attend.  These two dinners are invitation only events.  If you as Media desire to attend to cover the story please contact Lillian to indicate an interest to attend.


10 August            FMX (MOTOR CROSS) PRACTICE
                                    2:00-3:00p.m.  Jangwani Grounds

                                                                        JUNGLE RUSH FMX from Joberg will be onsite getting ready                                                                  for Love Tanzania Festival.  Cameras are encouraged and live                                                          shots are available for Evening News Stories.

                                    DEDICATION PROGRAM
                                    3:00-6:00p.m.  Jangwani Grounds

                                                                        All Volunteer Workers will be asked to attend this dedication                                                               time.  Potentially 2,000-3,000 workers will attend.


Saturday – Sunday 11-12 August

LOVE TANZANIA FESTIVAL WITH ANDREW PALAU

                                    1:00 – 3:00p.m            CHILDRENS PROGRAM
                                                                                    Games, Jumper Castles, Soccer Clinics and
                                                                                    DUGGIE DUG DUG

            3:00-4:00p.m.              ACTION SPORTS DEMOS
                                                            FMX/ BMX presentation
                                               
            4:00-8:00p.m.              MAIN STAGE
            Tanzanian Artists
THE VOICE
CHRISTINA SHUSHO
JOHN LISU/ SAFARI PAUL and National Worship        Leaders

MASANJA – Faith Story

            International GOSPEL MUSIC artists:
DON MOEN
            NICOLE C. MULLEN
            DAVE LUBBEN

Each day the Festival will feature a special presentation of LOVE and a message of Hope from international evangelist Andrew Palau. 


KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

HAYA MLIOKUNYWA KIKOMBE CHA BABU, SERIKALI YASEMA HAIKUWA NA NGUVU YA KUPONYA

MATOKEO ya awali ya utafiti wa dawa iliyotolewa na Mchungaji mstaafu, Ambilikile Mwaisapile, yameonesha kuwa dawa hiyo haikuwa na nguvu za kuponya magonjwa iliyodaiwa kutibu.

Waziri wa Afya na Ustawi wa Jamii, Dk Hussein Ali Mwinyi, alitangaza matokeo hayo jana bungeni wakati akiwasilisha makadirio ya bajeti ya Wizara hiyo kwa mwaka wa fedha 2012/2013. Katika bajeti hiyo, Serikali imeomba kuidhinishiwa Sh bilioni 581.6 na kati ya hizo, Sh bilioni 298.2 za matumizi ya kawaida na Sh bilioni 283.4 za maendeleo.

Dk Mwinyi alisema matokeo ya awali ya utafiti huo yanaonesha wagonjwa waliopata dawa hiyo hawakupata ahueni yoyote katika CD4, uzito na ubora wa afya yao. Kwa mujibu wa Dk Mwinyi, utafiti huo ulioanza Machi 2012, unahusisha wagonjwa 200 wanaofuatiliwa kwa kupimwa vipimo mbalimbali.

Vipimo hivyo ni damu, CD4, uzito wa wagonjwa na ubora wa afya wa wagonjwa hao wa Ukimwi na kisukari wanaoendelea kuhudhuria kliniki katika hospitali mbalimbali za rufaa nchini ili kuona mabadiliko yoyote.

“Taarifa zao za awali zilizopo katika kliniki kuanzia walipokunywa dawa hadi utafiti ulipoanza zilifuatiliwa na kujumuishwa katika taarifa za utafiti,” alisema Dk Mwinyi.
Kuhusu uboreshaji wa sekta ya afya, alisema Serikali itaendelea kuhakikisha upatikanaji wa vifaa na dawa katika vituo vya afya na ustawi wa jamii kwa kufanya ukarabati na ujenzi wa majengo ya kutolea huduma.

Katika kuboresha utoaji huduma, Dk Mwinyi alisema katika mwaka unaoisha wa fedha, Wizara ilipata kibali cha kuajiri watumishi 260 wa kada ya afya kwa ajili vituo mbalimbali.
Pia katika kuboresha maslahi ya watumishi hao ambayo hivi karibuni yalikuwa hoja maalumu katika mgomo wa madaktari, Dk Mwinyi alisema watumishi 282 walirekebishiwa mishahara.

Ili kuongeza idadi ya watumishi katika sekta hiyo, Serikali iliongeza idadi ya wanafunzi waliodahiliwa katika vyuo vya afya iliongezeka kutoka 4,296 mwaka 2008 mpaka 7,458 mwaka 2011.

Kwa mujibu wa Dk Mwinyi, hilo ni ongezeko la wanafunzi 3,162 sawa na asilimia 57.6 na lengo ni kudahili wastani wa wanafunzi 10,000 kwa mwaka ifikapo 2017.

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

WANAKWAYA WAPATA AJALI, 8 WAFA

WANAKWAYA wanane wa Maskati wilayani Mvomero Mkoa wa Morogoro, 8 wamekufa na wengine 13 wamejeruhiwa baada ya gari walilokuwa wakisafiria kuacha njia na kupinduka.

Mkuu wa Kikosi cha Usalama Barabarani Mkoa, Leonard Gindo amesema, ajali hiyo ilitokea Julai 28 saa 3:30 asubuhi katika Kijiji cha Magunge katika barabara ya Maskati Turiani wilayani Mvomero.
Gindo alilitaja gari lililohusika katika ajali hiyo kuwa ni lenye namba za usajili T575 AXY, aina ya Toyota Land Cruiser Pick Up, mali ya Kanisa Katoliki iliyokuwa ikiendeshwa na Padri Deogratias Mdewa ikitokea Maskati kuelekea Chogoali ilipofika eneo hilo iliacha njia na kupinduka na kusababisha vifo hivyo.

Amewataja waliokufa kuwa ni Teophila Jeremia (30), Godfrey Joseph (21), Leticia Claud (22), Cecilia Isaya (20), Elizabeth Wiliam (9), Elizabeth Jacob (21), Flugencius Lucas (23) na mtoto wa mwaka mmoja na nusu, Lilian Thomas.

Aidha, aliwataja majeruhi kuwa ni Stepines Isaya (22), Joseph Peter (32), Maria Isdory (15), Frank Pasian (19), Deus Gasper (18), Averine Karol (30), Hilda Hilary (28), Catherine Karol, Indence Jeremia, Mariam Jeremia, Hilda, Frolven pamoja na dereva wa gari hilo.

Alisema chanzo cha ajali hiyo ni mwendo kasi pamoja na abiria kuzidi uwezo wa gari hilo.

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

Friday, July 27, 2012

WACHUNGAJI WOTE WA UMOJA WA MAKANISA YA KIPENTEKOSTE MNAALIKWA KWENYE MKESHA WENU. UTAFANYIKA DPC KINONDONI

Mwenyekiti wa umoja wa makanisa ya kipentekoste Mch Mwakibolwa leo wamewataka wachungaji wote amabao wako chini ya umoja huo kukumbuka ratiba ya mkesha waliojiweke ya kila mwezi. ameseka kila jnne ya mwisho wa mwezi huwa wanakuwa na mkesha. mkesha wa safari hii utafanyika katika kanisa la DPC Kinondoni (karibu na soko la TX)

amesema kuna mambo mengi kama wachungaji ya kuomba pamoja yanayohusu kanisa na Taifa kwa ujumla. jambo la 2 kutakuwa na wataalamu wa uchambuzi wa katiba na wataleta mapendekezo ya katiba itasomwa na wataruhusiwa kutoa maoni yao na kama kuna marekebisho basi watatoa hapo hapo.

kuhamasisha wachungaji ambao bado hawajapata barua za rais za sheria bila kushurutishwa inawezekana, basi wasikose watapewa hapo hapo mkesha unatarajiwa kufanyiaka kuanzia saa 3 za usiku na wachungaji pamoja na watu wote wafike kwa wingi na kwa kuwahi bila kukosa.

washirika mnaombwa kuwakumbusha wachungaji wenu ili wasikose.

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

PASTOR MYAMBA ASEMA YEYE SI FREEMASON, KAMA KANUMBA AFINGEKUFA NAYE ANGEIGIZA NDANI YA GOD KINGDOM, FILAMU ZAKE ZINAMAFUNDISHO YA KIMUNGU

Yule mwigizaji nguli wa filamu anayejulikana kwa jina la Pastor Muyamba amesema kuwa yeye si Freemasoni na hataki kuzungumzia swala hilo kwani freemasoni ni nani? mbona ni kitu kidogo sana kwake yeye amelibeba jina kuu la Yesu sema watu wamekuwa na hofu tu lakini hakuna chochote. hayo aliyasema katika kipindi cha inuka uangaze cha praise power radio.

 
Pastor Myamba hivi karibuni atatoa Filamu yake mpya ya {GOD"S KINGDOM} aliyo fanya na Kampuni yake ya {Bornagain Films Production}Ni Filamu inayo onyesha kazi ya kristo katika kuwaleta watu kwake, Ni Filamu iliyokuwa na Upako wa ajabu mana baadhi ya sehemu walizokuwa wakifanya shooting ilibidi kusimamisha ili Roho mtakatifu afanye kazi yake. akielezea filamu hiyo ambayo alisema kama The great Kanumba angekuwa hai basi naye angehusika kuigiza filamu hiyo kwani walishirikiana nae kuweka sawa baadhi sehemu.

katika kipindi hicho ambacho kilikuwa na mada inayosema NINI FAIDA YA FILAMU ZA KITANZANIA KWA MTU ALIYEOKOKA JE FILAMU HIZI ZINAWEZA KUMBADILISHA MTU ASIYEJUA WOKOVU?

akijibu alisema siyo filamu zote zinaweza kumbadilisha mtu. ila filamu anazotoa yeye zimaweza na ni maombi yake kuwa watu wabadilike na kumfuata Yesu kiu yake ni kuona Dunia inabadilika na kumwamini Mungu.

baadhi ya maswali yaliyoulizwa kwenye kipindi hicho kupitia facebook ni kama ifuatavyo


Johns Bobby Johns bobby wa temeke nilikuwa na muuliza mchungaji muyamba kuwa alishawai kufikiria kuimba nyimbo za kuabudu kama alivyo fanya masanja wa ze comedy.
 
JIBU akijibu alisema yeye hajawahi kuwaza kufanya kama Masanja kwani ana hisi sauti yake siyo nzuri ila kama siku sauti ikifunguka ataweza fanya hivyo


Noreen Aloyce mchungaji Mihyamba unategemea nini badaee katika uchungaji wako?

JIBU kama Bwana atasema na mimi ninaweza kuwa lakini kwa sasa niko kwenye kuigiza


Gudila Mtalo napenda sana kuangalia movie za pastor myamba, anaigiza vizuri sana ila nauliza kwanin iwadada wanaoigiza wanavaa nguo fupi sana hata mahali ambapo hatakiwi kuvaa hivo...

JIBU mimi katika filamu zangu huwezi kukuta vitu hivyo ukiona mtu kavaa nguo fupi ujue mahali hapo pamerazimu sana kufanya hivyo akizidi kujibu alisema kuwa hata katika chuo chake anawafundisha wanafunzi kuwa na maadili hasa katika mavazi.


Lusekelo George Wa mtoni kwa Aziz Ally. Kiukwel kuna baadhi ya muvi kama pastor miyamba, village pastor, devil kingdom zinaweza kumbadilisha mtu akaokoka. Ila muvi za aina hii ni chache nyingi zipo kidunia zaidi.
 
JIBU siwezi kuzizungumzia filamu nyingine na ndo maana yeye ameanzisha kampuni yake ili kuhakikisha anajitosheleza katika kutoa filamu zenye upako na alisema kuwa filamu zake asilimia 80 ni mafundisho ya kiroho na amekuwa akipata shuhuda ya watu kuponya na kuokoka baada ya kuangalia sinema zake kama Zanzibar na sehemu mbalimbali.
 
vile vile aliifafanua kuwa alianzisha chuo cha kupika mastar katika filamu na anashukuru kuwa wasanii wenzake wakubwa kama akina JB, Ray kwa sasa hawapokei mwigizaji mpya mpaka awe amepitia katika chuo chake ambacho kinatoa mafunzo kwa miezi 6 miezi 3 ya kwanza wanajifunza darasani lakini 3 minine unaenda katika uhalisia kuigiza na mastar katika filamu zao.
 
alifafanua kuwa watu wenye vipaji na wanaotaka kujiunga na chuo chake wana karibishwa sana ili kujiunga katika chuo chake cha TFTC kwa no 0712 723 600 au 0766 335 014 na watapata maelekezo namna ya kujiunga.
 
KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

WANA WA INJILI KUTOKA TAG MAGOMENI WAFANYA MIKUTANO KATIKA JIMBO LA MH SITA HUKO TABORA WATU 116 WAOKOKA MWANAMKE MMOJA ALIYEKUWA AMEOLEWA NA JINI AFUNGULIWA.

Timu ya uinjilisti ya watu 8 kutoka kanisa la TAG magomeni imerejea salama kutoka katika vijiji vya Urambo Tabora ambako walienda kwenye huduma. huduma hiyo ya mikutano ya injili ambayo ilianzishwa na chama cha vijana CA's mwaka 2005 na sasa inaendelezwa kufanya na kamati ya uinjilsti ya kanisa, kwa miaka yote hiyo imeweza  kufanya mikutano mbalimbali katika mikoa ya Dar, Morogoro, Dodoma, Singida, Tabora, Kigoma nk. walifikia kwenye kijiji cha Ussoke ambako kwa sasa kuna tawi la TAG Magomeni, na kilifanya mikutano katika vijiji vya Ushisha ambako kulifanyika mkutano kwa siku 2 na kijiji cha Ugala ambako nako kulikwa na mkutano wa siku 2.
wana wa Injili wakiwa wameshuka toka Dar
huu ndiyo usafiri wa kawaida kule Ussoke power Tiller

watu wakisikiliza mahubiri katika kijiji na Ushisha
katika kijiji cha ugala Mungu alitenda miujiza sana, mimi bloger nasimulia maana nilikuwa ni mojawapo ambaye nilikuwepo kwenye safari hiyo, kulikuwa na dada mmoja ambaye aliletwa na mume wake kufanyiwa maombi na alikuwa na mapepo, yeye alikuwa anajijua alisimulia kuwa hilo jini lilikuwa limemwoa na lilikuwa linamjia akiwa usingizini na kufanya nalo tendo la ndoa, hata wakati mwingi alikuwa akichelewa kurudi nyumbani lilikuwa likimpigia simu kwenye simu yake na kumwambia kwa ukali kuwa awahi nyumbani. ukiacha huyo watu wengi walifunguliwa na kuokoka. pamoja na kufanya mkutano lakini wana wa injili tulipata nafasi ya kutembelea eneo la eka 2 walizokuwa wamepewa kanisa ili waweze kuabudia na kwakweli walikuwa wanaabudia chini ya mti hivyo wana wa injili wajitolea sh 60,000 ili lijengwe bada la nyasi ili wasalie kwenye kimvuli.
           Mch John wa kanisa la TAG Ugala akifanya maombezi kwa watu waliofika kwenye mkutano.
Umati wa watu wakiwa kwenye mkutano

                   mwenye mapepo akiomewa na wahudumu kwenye mkutano kwenye kijiji cha ugala

                          Mwinjilisti Kazimoto ambaye alikuwa anahubiri kwenye mikutano hiyo

                                                kanisa la Ugala wanaosalia chini ya mti

                                       majivu ya nyasi za kanisa ambazo zilichomwa moto
                      

na wakati ujenzi wa banda hilo shetani kwa kutumia watu wake na kuleta fujo katika eneo la kanisa na kuchoma nyasi, lakini Mungu mkubwa mhusika alipatikana na aliamrishwa na kijiji ajenge sasa kwa ghalama zake. watu wa mahali hapa walikuwa na kiu sana ya injili. baada ya hapa tulifanya mkutano mwingine kwenye kijiji cha ussoke kwa siku 4 ambako nako mungu alionekana sana
                      watu wakikata shauri kwenye mkutano wa injili katika kijiji cha Ussoke

  Mwinjilisti Enocky Kipwate akichukua matukio ya mikutano hiyo
                            
katika mkutano huo pia kulikuwa na kwaya ya EAGT Urambo ambayo nayo ilifanyika baraka katika mikutano hiyo. ni ratiba ambayo ni endelevu ya kupeleka injili kama una mchango wowote wa mawazo au kifedha ili kupeleka injili ya Yesu mbele basi unaweza wasiliana na Mkurugenzi wa Kamati ya Uinjilsti ndugu Enecky Kipwate kwa no 0786406411 Mbarikiwe sana.

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

Thursday, July 26, 2012

MSAADA WA HARAKA KWA MZEE ALOYCE DORNAD KWA AJILI YA MATIBABU

Mzee Aloyce ni mkazi wa Chali igongo Dodoma vijijini,  ana  Miaka56, anasumbuliwa ugojwa wa Ngozi tangu mwezi wa tano mwaka jana, hana hela ya matibabu.  mwili wake hutoa damu na usaha mwili mzima ndugu wamemtelekeza hivyo ewe mtanzania uliyeguswa tunaomba mchango wako wa hali na mali kwa ndugu yetu  ,maelezo zaidi 0757622794, email frederickjn@yahoo.com   michango itumwe kwa Mpesa namba 0757 622794 , Frederick J Ndahani, Ac 5088001086, NMB, AU NBC 031201121002:) Frederick J Ndahani.
 Dr mwenye kuweza kutibu ugonjwa huu alisema inahitajika kama 500,000 ili kupata matibabu maana ugojwa wake umemla sana
unaweza hata kumwombea ili Mungu amponye maana Mungu anaweza yote

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

MTU ALIYEKUWA ANATUMIA MAJINI KUUWA WANYAMA WAKATI WA KUWINDA AOKOKA SASA HIVI AKIENDA KUWINDA WANYAMA WANA MKIMBIA

Nilipokuwa huko Tabora kwenye kijiji cha Ussoke nilikutana na ushuhuda wa ndugu Martin nami nimeona ni vyema nikushirikishe, yeye kwa sasa ameokoka na ni mshirika wa TAG Ussoke kanisa tulilofikia tulipokwenda kufanya mikutano ya Injili. nilipata muda wa kuongea naye na kumfanyia maombi baada ya kushuhudia. yeye kazi yake ni uwindaji na alikuwa anatumia mizimu aliyokuwa ameachiwa na wakienda kuwinda wakisha ona wanyama kuna maneno anatamuka na wanyama wanpigwa na butwa na wala hawaendi popote hivyo anaanza kuwapiga tu na wala hawakimbii mpaka akishaona idadi imetosha basi anatamka na wanyama wanaendelea na safari yao basi anawaambia wale alioenda nae wanaokota wale wanyama wote wanapakia kwenye gari wanaondoka.

na aliniambia alikuwa anafanya hivyo kwa aina zote za wanyama hata Tembo na hata kama wakienda na gari kubwa lazima lijae wanyama na haikuwahi kutokea kutokupata wanyama na kwake kulenga alikuwa fundi kwa wanyama hawa wadogo risasi moja ilikuwa inapiga hata wanyama 3, kila risasi na nyama wake kukosa kupiga mnyama anapofyatua risasi ilikuwa ni ndoto.

Ndugu Martin
 lakini Yesu ni wa upendo ameokoka na alisalimisha vitu vyote vya mizimu na kuchomwa moto na Mtumishi wa Mungu Kabanda Wa Ussoke TAG. na baada ya kuchoma wakati akilala usiku alikuwa akisikia harufu ya wanyama na wakati mwingine anasikia sauti za mizimu aliyokuwa ameizoea, na haikuishia hapo tu bali wale wenzake aliokuwa nao waliona watapata hasara kwa kumwacha aokoke hivyo kuna siku walikuja kufanya ibada ya matambiko nyumbani kwake kwa sababu aliwakatalia kuingia ndani basi walifanyia nje na ilimshumbua mwili ulikuwa una msisimka.

                                                         Mch Kabanda wa TAG Ussoke
siku iliyofuata walikuja tena na alienda kumwita mchungaji wakati wao wanaimba nyimbo zao nje ya nyumba yeye pamoja na Mch walianza kufanya maombi ndani ilichukua dakika 5 tano tu watu wote wa nje walitimuka wao wenyewe na haifahamiki ni nini kilichowafukuza hakijulikani. wakati nikiongea nae aliniambia tangu aokoke alisha enda mara 3 kuwinda na mara zote ametoka kapa hawajarudi na hata digidigi. anasema kwa sasa wanyama wakimuona wana mkimbia na mara ya mwisho alipowaona wanyama aliwaambia wenzake wamsubiri wakati amewakaribia wanyama na anataka aanze kufyatua risasi ataona wenzake wanakuja na wanyama wakatimuka alipowauliza kulikoni walimwambia kuwa tumesikia unatuita ndo maana tukaja.

pamoja na ushuhuda mrefu tulifanya nae maombi na anaendelea na Yesu wapendwa tuombe huko vijiji watu wana kiu sana na injili wewe hapa mjini kuna miundo mbinu inayokuwezesha hata kusikia neno la Mungu kuna sehemu nyingine wanatamani tuombe kazi ya Mungu isonge mbele. Amina
KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

AISHI NA MWANAMKE AMBAYE NI JINI KWA MIAKA 3 AZAA NAE MTOTO! SIRI ILIFICHUKA SIKU YA HARUSI. MCHUNGAJI AFANYA MAOMBI YA SIKU 2 KIVUNJA NDOA HIYO

Kijana moja mkoani Iringa Ibrahimu Ng'onda anayesoma kidato cha nne katika secondary ya Efatha, alijikuta akiangukia katika mahuano na jini bila yeye kujua. akieleza kisa hicho baada ya kufanyiwa maombi ya nguvu yaliyomzindua kutoka katika hali ya kuzimia kwa siku mbili mfurulizo.

kisa chenyewe alieleza hivi alikutana na dada ambaye hatukupata jina lake mpaka tunaenda mitamboni ambaye alijitambulisha kuwa anasoma katika Chuo kikuu cha Tumaini Mjini Iringa, na walianza mahusiano ya kimapenzi, alitizimiwa kiasi chochote pesa alichokuwa anakihitaji na kutembea na huyo dada kwa kutumia gari yake na dada huyo alimwambia kuwa yeye mtoto wa tajiri asiwe na wasiwasi kwa habari ya pesa na mara zote alipokuwa anamwomba pesa alimwambia achukukue kwenye dro ya gari ambayo ilikuwa na pesa nyingi.

na ilifika kipidi huyo dada alipata mtoto na kujifungua mtoto wa kiume, ambaye kwa sasa alikuwa ametimiza miaka 3 mwaka huu wakati kijana akijianda na mitihani kwaajiri ya kupita ili afanye mitihani ya kidato cha nne yule mke wake alimuletea mihani yote na kumtaka aisome ili asifeli. lakini Ibrahimu alikataa na kumwambia kua anataka ajipime akili yake bila kutumia msaada wowote, baada ya kukataa huo msaada yule mwanamke akamwambia basi ujue utafeli na kweli kijana baada ya kuanza mitihani alikuwa haelewi kitu kabisa na kujikuta kufeli sana. na alipokutana na huyo mdada akamwambia habari za mtihani yule mdada akamwambia mi si nilikwambia kuwa utafeli umeona sasa. yule kijana akahamaki kupata jibu hilo na kumuuliza we jini nini?!! yule mdada akamjibu hata kama ukijua kuwa mimi ni jini utafanyaje to late.

kijana hakuwa na ujana wa kujinasua na akapewa sharti kuwa afuge kucha yake mmoja na asiikate mpaka atakapo mwambia, na kijana akafanya hivyo. ilipopita muda kama wiki tatu zilizopita akaambiwa aikate hiyo kucha na baada ya kuikata tu alizimia. (kilichomtokea yeye baada ya kuzimia nitakujuza baadae) baada ya siku 2 ndugu zake waliamua kumpeleka hospital alihudumiwa bila mafanikio, ndipo walipo kumbuka kuwa kuna walokole huwa wanaombea watu ndipo wakaenda kwa mtumishi wa Mungu Mch K. Emanuel wa kanisa la International Petecoste liloko Kihesa Lugalo Iringa mjini. baada ya kufika wakamwelezea basi wakaondoka nae mpaka hospital kwenye wodi aliyokuwa amelazwa.

baada ya kuanza kumfanyia maombi yule kijana akazinduka na akawa anawauliza likuwapi gari langu jipya la kifahali nililozawadiwa zikowapi hela zangu millioni 200 nilizopewa, ndugu zake wakabaki wana shangaa basi wagonjwa wengine walipoona yule mtu kazinduka wakaanza kumwita Mtumishi wa Mungu Ema ili awafanyie na wao maombi wakati anawafanyia maombi watu wengine Ibrahimu akazimia tena! ndipo Mch akawaambia wale ndugu zake kuwa wambebe na wampeleke kanisani kwa maaombi zaidi. sasa kwasababu walikuwa na shida ilibidi waingie kanisani ijapo wao ni waislamu, yakaanza maombi ya nguvu kwa muda wa siku 2 mfululizo.

 baadae mapepo yakaanza kuzungumza na kusema hayatoki maana kuna sherehe kubwa imeandaliwa kwaajili yake hawawezi kumwacha, lakini baada ya kukemea kwa muda mrefu yasema yanatoka, hatimaye kijana akazinduka na kuelezea kisa hiki na kusema wakati amezimia alikuwa nyumbani kwa jini na kulikuwa na sherehe kubwa ya harusi kati yake na huyo jini na alikuwa ameshapewa hela nyingi na gari la kifahari, na ndiyo maana alipozinduka kwa mara ya kwanza hospitalini aliviulizia! ndugu zake kusikia hayo walibaki midomo wazi na familia yote ya watu 10 wakaamua kuokoka japo ni waislamu tena swala 5 na wanaendelea na mafundisho,

 walimwita ndugu yao ambaye ni imamu huko ZNZ ijapo alikuwa anapinga ndugu zake wasiwe wakristo lakini nae amewaambia hao ndugu zake waendele maana Mungu ni mmoja na mambo hayo kwao yangekuwa magumu. pamoja na hayo yote lile jini lilikuwa bado linamtokea Ibrahimu huku likiwa na yule mtoto wao wa kiume na huku likiwa na majeraha sana, na kumwambia kuwa halikuwa na nia mbaya na yeye lilikuwa na nia ya kumlinda tu. huo ndiyo ushuhuda wa matendo makubwa ya jina la Yesu ambao umetendeka huko Iringa umaweza kuwasiliana na Mch Emanuel kwa  Namba yake ya simu ni  0713 053222. Ukiwasiliana nae utapata taarifa nzuri na sahihi zaidi, maana kuna mengine mengi sikuweza kuyaeleza. Mungu akubariki. na hata kama unahitaji maombi auushauri wa kiroho.

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela

VIONGOZI WA DINI WAONYWA SIKU YA MASHUJAA

VIONGOZI wa dini wameonya kuwa tofauti za kiitikadi zisiwe chanzo cha Watanzania kubomoa misingi ya umoja na mshikamano iliyojengeka kwa miaka mingi.


Katika kumbukumbu ya Siku ya Mashujaa ambayo jana Rais Jakaya Kikwete aliongoza mamia ya Watanzania kuiadhimisha jijini Dar es Salaam, Kanisa Katoliki Jimbo la Morogoro lilitaka viongozi wawajibike kwa ajili ya Taifa na si kwa ajili yao.

Akitoa salamu za Kanisa katika maadhimisho yaliyofanyika Morogoro, Katibu Mkuu wa Jimbo hilo, Padri Luitfrid Makseyo alisema kumbukumbu za mashujaa zisikomee kwa watu wachache walioonesha uzalendo wao na kujitoa mhanga kupigania na kutetea Taifa, bali uzidi kukua kwa jamii zote. Mbele ya Mkuu wa Mkoa wa Morogoro, Joel Bendera aliyeweka ngao na mkuki kwenye mnara huo, Padri Makseyo alisema hivi sasa Taifa linashuhudia ulegevu wa aina mbalimbali katika nyanja nyingi wakati viongozi hawawajibiki kwa Taifa lao, bali kwa ajili yao wenyewe.

“Wenzetu mashujaa hawa walikuwa wazalendo wa kweli hata kuutoa uhai wao kwa ajili ya maslahi ya Taifa,” alisema na kusisitiza kwamba ni wajibu kwa viongozi na wananchi kujitoa kwa hali na mali kuwa Wazalendo ili kuifanya nchi kuwa mahali pema kuishi.

Kutokana na ukweli huo, aliwataka Watanzania watambue thamani ya mashujaa ili nao waweze kupambana na kila uovu, kuuchukia umasikini, kupiga vita rushwa na kutafuta elimu ili wananchi wote waweze kuwa mashujaa wa amani na kuishi kwa amani. Viongozi wengine waliotoa salamu zao kuwaombea mashujaa hao ni Shehe wa Mkoa wa Morogogo, mwakilishi wa Kanisa la Kiinjili la Kilutheri Tanzania (KKKT) na Ahmadiya.

Arusha Mkoani Arusha, viongozi wa madhehebu ya dini walisisitiza umuhimu wa Watanzania kuendelea kudumu katika umoja wa kitaifa kwa maslahi ya nchi na Watanzania licha ya tofauti za kiitikadi. Walisisitiza kuwa tofauti za kiitikadi zisiwe chanzo cha Watanzania kubomoa misingi iliyojengwa kwa miaka mingi ya umoja, mshikamano na amani.

Mpiganaji wa Vita Vikuu vya Pili vya Dunia, Akundaeli Nasimay na Luteni Kanali mstaafu Ernest Maingu ambaye alipigana vita vya Kagera na Msumbiji, kwa nyakati tofauti waliishauri Serikali kuangalia maslahi ya askari hao ambao wametoa mchango mkubwa kwa Taifa.

Waliiomba Serikali ifanye uhakiki ili ijue askari wote waliostaafu Jeshi na kuangalia maslahi yao. Walitoa mfano kwamba wanalipwa Sh 50,000 kwa mwezi wakati askari wanaostaafu sasa wanalipwa zaidi ya Sh milioni moja. Dar es Salaam Amiri Jeshi Mkuu, Rais Kikwete aliwasili katika viwanja vya Mnazi Mmoja saa 3.10 asubuhi na kupokea salamu ya Rais na kupigiwa Wimbo wa Taifa na kupigiwa mizinga.

Rais Kikwete aliweka silaha za asili ambazo ni mkuki na ngao kwenye mnara wa kumbukumbu ya mashujaa na kufuatiwa na Mkuu wa Majeshi ya Ulinzi, Jenerali Davis Mwamunyange aliyeweka sime. Kiongozi wa mabalozi nchini, Balozi Juma Mpango wa Jamhuri ya Kidemokrasia ya Kongo (DRC) aliweka shada la maua. Meya wa Jiji la Dar es Salaam Didas Masaburi aliweka upinde na mshale na Mwenyekiti wa Wanajeshi Wastaafu -Tanzania Legion, Rashid Mgonja aliweka shoka. Viongozi wa dini walisoma sala za kuiombea amani nchi, mchakato wa Katiba na sensa. Aidha waliomba viongozi waongoze nchi kwa hekima, busara na uvumilivu.

Wakaombea pia vyombo vya usalama na vya uamuzi kutenda haki wakitaka usiwepo ubaguzi wa rangi, kabila na dini. Walioongoza sala ni Shehe Mkuu wa Mkoa wa Dar es Salaam, Alhad Musa Salum kwa niaba ya Baraza Kuu la Waislamu Tanzania (Bakwata) na kufuatiwa na Mchungaji John Kamayo kwa niaba ya Jumuiya ya Kikristo Tanzania (CCT) na Padri Monsinyori Deogratius Mbiku wa Kanisa Katoliki.

Baada ya sala hizo, gwaride lililoundwa na vikosi vya Jeshi la Wananchi wa Tanzania (JWTZ), Jeshi la Kujenga Taifa (JKT), Polisi na Magereza lilitoa heshima mbele ya Rais. Katibu wa Tanzania Legion Steven Lubala alisema ipo haja kwa Serikali kutunza wazee waliopigana Vita Vikuu vya Pili vya Dunia kutokana na ushiriki wao kwa moyo wote.

Naye Maulid Said aliitaka Serikali kuwasaidia kuzungumza na Serikali ya Uingereza ili walipwe mafao yao yaliyotokana na kushiriki vita hivyo.

Viongozi wengine wa kitaifa waliohudhuria maadhimisho hayo ni Makamu wa Rais, Dk. Mohamed Gharib Bilal, Rais wa Zanzibar, Dk. Ali Mohamed Shein, Makamu wa Pili wa Rais wa Zanzibar, Balozi Seif Ali Idd, Spika wa Baraza la Wawakilishi Zanzibar Pandu Amer Kificho, Jaji Kiongozi Fakihi Jundu, Waziri wa Ulinzi na Jeshi la Kujenga Taifa, Shamsi Vuai Nahodha, viongozi wa Serikali na baadhi ya mabalozi wa nchi mbalimbali.

KAMA UNA MAONI YOYOTE NIANDIKIE HAPO CHINI AU TUMA UJUMBE KWENYE NO +255 715 033 671, +255 767 033 671 AU FB Martin Malecela follow me in Twetter martmalecela